AM իրավաբանական ընկերության մասնաճյուղի բացման արարողություն Գյումրիում

AM իրավաբանական ընկերության մասնաճյուղի բացման արարողություն Գյումրիում

Հոկտեմբերի 30-ին Գյումրիում տեղի ունեցավ «AM» իրավաբանական ընկերության նոր գրասենյակի բացումը:

Ընկերության կառավարիչ բաժնետեր Գրիգոր Մինասյանն իր ելույթի ժամանակ նշեց, որ նոր գրասենյակի բացումը Գյումրիում  պայմանավորված է այն հանգամանքով, որ չնայած տեղի շուկայում գործող պրոֆեսիոնալ և գրագետ փաստաբանների առկայությանը՝ հաճախ Գյումրու բնակիչներն իրենց իրավական խնդիրների լուծման համար այցելում են «AM» ընկերության երևանյան գրասենյակ:

Նոր գրասենյակի ղեկավար Կարապետ Պողոսյանն իր հերթին նշեց, որ տեղի իրավական դաշտում առկա է մեծ բաց՝ կապված որակյալ իրավաբանական ծառայությունների բացակայության հետ, որը հնարավոր կլինի լրացնել Գյումրիում «AM» իրավաբանական ընկերության գրասենյակի գործունեության միջոցով:

Բացման արարողությանը ներկա գտնվեց և իր օրհնությունը բերեց Շիրակի Թեմի Առաջնորդ Գերաշնորհ Տ. Եպիսկոպոս Աջապահյանը: Այնուհետև գրասենյակի բացումը խորհրդանշող կարմիր ժապավենը կտրեց ըմբշամարտի Եվրոպայի եռակի չեմպիոն Արթուր Ալեքսանյանը: Ընկերության Գյումրու գրասենյակի բացմանը ներկա էին ԱԺ պատգամավոր Սուքիաս Ավետիսյանը, այլ պաշտոնատար անձինք, Գյումրիում գործունեություն իրականացնող գործարարներ:

Գյումրիում գրասենյակի բացումը կնպաստի բիզնես միջավայրի զարգացմանը, քանի որ ընկերության գլխավոր առաքելություններից մեկը հանդիսանում է միջազգալին չափանիներին համապատասխան իրավաբանական ծառայությունների մատուցումը:

«AM» իրավաբանական ընկերության գլխավոր իրավախորհրդատու, փաստաբան Լևոն Սահակյանը պատասխանում է iravaban.net - ի հարցերին

«AM» իրավաբանական ընկերության գլխավոր իրավախորհրդատու, փաստաբան Լևոն Սահակյանը, անդրադառնալով ՀՀ քրեական դատավարության օրենսգրքի նախագծում նախատեսվող Համաձայնության և Համագործակցության վարույթներին, բարձրացնում է այդ վարույթների դեպքերում հավասարության սկզբունքից շեղման թույլատրելիության սահմանադրությանը հակասելու հարցը:

Փաստաբանը առաջարկում է նաև, նախագծի ուժի մեջ մտնելու դեպքում ՀՀ քրեական օրենսգրքի 333 հոդվածը լրացնել 3-րդ մասով և առավել խիստ պատասխանատվություն նախատեսել Համագործակցության շրջանակներում կատարված սուտ մատնության համար:

AM իրավաբանական ընկերությունը այսուհետ առաջարկելու է նաև հաշտարարական ծառայություններ

Սույն թվականի սեպտեմբերի 7-ին Հայաստանի Հանրապետության առաջին որակավորված հաշտարարները ստացան վկայագրեր՝ հիմք ընդունելով հաշտարարների որակավորման քննությունների արդյունքները: 

Որակավորված հաշտարարների թվում է նաև AM իրավաբանական ընկերության գլխավոր իրավախոհրհդատու, փաստաբան Վանիկ Մարգարյանը, ինչի արդյունքում AM իրավաբանական ընկերությունը հետագայում առաջարկելու է նաև մասնագիտական հաշտարարական ծառայություններ՝ միջազգային ստանդարտներին համապատասխան:

AM իրավաբանական ընկերությունը պատրաստ է իր մասնակցությունը ունենալ Հայաստանում հաշտարարության ինստիտուտի զարգացման գործում, ինչը միտված է նպաստել վեճերի արտադատական լուծմանը հաշտության միջոցով: Հաշտարարը, որպես անկողմանակալ երրորդ անձ, իր ծառայությունների միջոցով օգտնելու է կողմերի հասնել փոխադարձ շահավետ հաշտության՝ խուսափելով երկարատև և ծախսատար դատական գործընթացներից: Նոր օրենսդրական կարգավորումների արդյունքում որակավորված հաշտարարների մասնակցությամբ կնքված հաշտության համաձայնությունը օրենքով սահմանված կարգով հաստատվում է նաև դատարանի կողմից և կատարվում հարկադիր կարգով, ինչը կնպաստի հաշտարարության արդյունավետության բարձրացմանը:

AM իրավաբանական ընկերության իրավախորհրդատու Ժիրայր Ղարագյոզյանը Սուր անկյուն հաղորդաշարում

Հայաստան-Կիպրոս իրավաբանական համագործակցության նոր սկիզբ

Հայաստան-Կիպրոս իրավաբանական համագործակցության նոր սկիզբ

Այսօր Հայաստան է ժամանել Կիպրոսում գործող առաջատար իրավաբանական ընկերության՝ DADLAW ընկերության հիմնադիր Դեմետրիոս Դեմետրիադեսը: AM իրավաբանական ընկերությունում տեղի է ունեցել հյուրի հանդիպումը ընկերության կառավարիչ բաժնետեր Գրիգոր Մինասյանի և գլխավոր իրավախորհրդատու, փաստաբան Նարինե Սարգսյանի հետ: DADLAW իրավաբանական ընկերությունն ունի տասնյակից ավել հաճախորդներ, որոնք ցանկություն ունեն բիզնես գործունեություն ծավալել Հայաստանում: Ուստի, երկու խոշորագույն իրավաբանական ընկերությունների միջև համաձայնություն է ձեռք բերվել համագործակցել Հայաստանում և Կիպրոսում ներդրումների կատարման իրավաբանական աջակցության նպատակով:
Հաշվի առնելով, որ AM իրավաբանական ընկերությունը միաժամանակ հանդիսանում է Աթենքում գործող Հանրային իրավունքի եվրոպական կազմակերպության հյուրընկալող կողմը Երևանում, վերոնշյալ համագործակցությունը ևս մեկ քայլ է հայ-հունական վաղեմի բարեկամության զարգացման ուղղությամբ:

«AM» իրավաբանական ընկերությունը պաշտպանելու է անվաչմշկորդ Լևոն Աբգարյանի շահերը

Մի քանի ամիս առաջ հանրային լայն քննարկման առարկա դարձավ Երևանում չմուշկներ վարելով հայտնի դարձած Լևոն Աբգարյանի բնակարանի պատմությունը, որը բազմակողմանի լուսաբանվեց զանգվածային լրատվության միջոցների կողմից: Վերջինս բազմիցս հայտարարել է, որ դարձել է խարդախության զոհ և զրկվել է իրեն պատկանող բնակարանի սեփականության իրավունքից:
Կարևորելով կորպորատիվ սոցիալական պատասխանատվությունը և պահպանելով հեռուստաընկերությամբ հնչեցրած խոստումը՝ AM իրավաբանական ընկերությունը շարունակում է օգնել Լևոն Աբգարյանին իր օրինական շահերի պաշտպանության գործում:
Նշված խնդրի հետ կապված հարցուվել էր քրեական գործ և AM իրավաբանական ընկերությունը անվճար իրավաբանական օգնություն էր ցուցաբերում Լևոն Աբգարյանին նշված քրեական գործի շրջանակներում:
Այժմ արդեն հարցը տեղափոխվել է նաև քաղաքացիական դատավարության դաշտ և դատարան ներկայացվել է հայցադիմում՝ մեր վստահորդին իր բնակարանից վտարելու պահանջով:
AM իրավաբանական ընկերության գլխավոր իրավախորհրդատու, փաստաբան Վանիկ Մարգարյանը պաշտպանելու է Լևոն Աբգարյանի շահերը դատարանում նաև այս քաղաքացիական գործի շրջանակներում՝ հիմնավորելով սեփականության իրավունքի դադարման ապօրինությունը:

«AM» իրավաբանական ընկերությունը մասնակցել են Սահմանադրության օրվան նվիրված հեծանվավազքին

Հուլիսի 5-ին Երևանում կայացավ Սահմանադրության օրվան նվիրված հեծանվավազք, որը կազմակերպված էր ՀՀ սպորտի և երիտասարդության հարցերի նախարարության և «Ջի Էմ Ջի» ընկերության աջակցությամբ: Մրցարշավին մասնակցում էին ավելի քան 60 հեծանվորդներ, որոնց թվում էին, իհարկե, «AM» իրավաբանական ընկերության թիմի ներկայացուցիչները: Գլխավոր իրավախորհրդատու բաժնետեր Դավիթ Հունանյանը, ավագ իրավախորհրդատու Վարդան Հարությունյանը և իրավախորհրդատու Արտյոմ Ստեփանյանը լուրջ մոտեցում ցուցաբերեցին մրցարշավին և միևնույն ժամանակ ստացան մեծ բավականություն իրենց մասնակցությունից: 
«AM» իրավաբանական ընկերության թիմը մշտապես մասնակցում է նմանատիպ միջոցառումների և հանդիպումների, քանի որ մեծ կարևորություն է տալիս առողջ ապրելակերպին և դրան նպաստող ցանկացած նախաձեռնություններին: