Գյումրու գրասենյակի հերթական բաց դռների օրվա հիմնական ուղղությունն այս անգամ ժառանգության հետ կապված խնդիրներն են

    

        Շարունակելով անվճար իրավաբանական խորհրդատվություն տրամադրել Գյումրու բնակիչներին և հաշվի առնելով ժառանգության հետ կապված խնդիրներով հաճախորդների հարցումների մեծ քանակը՝ «AM» իրավաբանական ընկերությունը հայտարարում է իր հերթական բաց դռների օրը, այս անգամ առավելապես ժառանգության բացման, դրա ընդունման կարգի, ինչպես նաև ժառանգվող գույքի բաժանման հետ առնչվող հարցերի շուրջ: 

         Բաց դռների օրը կկայանա հուլիսի 28-ին, ժամը 10.00-18.00, ք. Գյումրի, Գ. Նժդեհ 1/5 հասցեում:
         Նախապես հերթագրվելու համար զանգահարեք (0312) 3-03-26 հեռախոսահամարով:

Բարձրագույն ուսումնական հաստատությունների շրջանավարտներից սպասվող պրոֆեսիոնալ ակնկալիքների վերաբերյալ քննարկում

  Բարձրագույն ուսումնական հաստատությունների շրջանավարտներից սպասվող պրոֆեսիոնալ ակնկալիքների վերաբերյալ քննարկում է տեղի ունեցել միջազգային համաժողովում: Դավիթ Հունանյանը, ով որպես «AM» իրավաբանական ընկերության բաժնետեր մշտապես աշխատում է նորավարտ ուսանողների հետ և այդ աշխատանքի շնորհիվ լավատեղյակ է ծագող խնդիրներին ու այն հմտություններին, որոնք անհրաժեշտ է ստանալ բարձրագույն ուսումնական հաստատություններում, համաժողովի ընթացքում ներկայացրել և պարզաբանել է գործատուի կողմից աշխատանքի ընդունվելու հավակնորդներին ներկայացվող պահանջները: Մասնավորապես շեշտադրում է կատարվել այն պահանջներին, որոնց պետք է համապատասխանի բարձրագույն ուսումնական հաստատության շրջանավարտն աշխատանքի ընդունվելու համար:

   Այս և ՀՀ կրթական համակարգում առկա այլ խնդիրների, դրանց լուծմանն ուղղված հետագա բարեփոխումների, Հայաստանի որակավորումների ազգային շրջանակների հեռանկարների և ուսումնական ծրագրերի ու դրանց վերջնարդյունքների վերաբերյալ հարցերը քննարկվել են ՏԵՄՊՈՒՍ «ARMENQA» նախագծի շրջանակներում կայացած «Որակավորումների ազգային և ոլորտային շրջանակների իրականացման հիմնախնդիրները ՀՀ բարձրագույն կրթության համակարգում» խորագրով միջազգային համաժողովի ընթացքում:

   Ծրագրի մասնակիցների թվում էին ՀՀ կրթության և գիտության փոխնախարար դոկտ. Կարինե Հարությունյանը, Խ. Աբովյանի անվան ՀՊՄՀ ռեկտոր պրոֆեսոր Ռուբեն Միրզախանյանը, Օսնաբուրկի կիրառական գիտությունների համալսարանի պրոֆեսոր Վոլկեր Գեհմլիխը, Հայաստանում «Էռազմուս+» ծրագրի ազգային գրասենյակի ղեկավար Լանա Կառլովան, Հայաստանի գործատուների հանրապետական միության նախագահ Գագիկ Մակարյանը և կրթության ոլորտի մի շարք օտարերկրյա ներկայացուցիչներ:

    «ARMENQA»-ն եռամյա ազգային ծրագիր է, որն ուղղված է Հայաստանում ազգային և սեկտորալ որակավորումների շրջանակի իրագործմանը: Ծրագրի համակարգողն է Շվեդիայի Լինշոփինգ համալսարանը:

Վստահելի լուծումներ միգրացիոն խնդիրներով

    Կանադական West Coast Odyssey Enterprises Inc. կազմակերպությունը, որը միգրացիոն ծառայությունների մատուցման ոլորտում առաջատարներից է, և  «AM» իրավաբանական ընկերությունը նոր ձևաչափով գործընկերային հարաբերություններ են հաստատել: WCOE-ի ծառայությունների շրջանակը ներառում է մի շարք երկրների միգրացիոն իրավունքի խնդիրներ, մասնավորապես ԱՄՆ-ի, Կանադայի, Հունաստանի, Գերմանիայի, Դանիայի, Պորտուգալիայի, Սլովակիայի, Մեծ Բրիտանիայի, Ավստրալիայի և այլն:

   Նոր գործընկերոջ հետ համագործակցությունը հնարավորություն է տալիս «AM» իրավաբանական ընկերությանն իր հաճախորդներին առաջարկել որակյալ և արհեստավարժ միգրացիոն ծառայություններ տարբեր երկրներում, ձևավորել հաջող արդյունքով վստահելի լուծումներ: Այսուհետ մեր հաճախորդ ֆիզիկական անձինք, ինչպես նաև գործընկեր իրավաբանական անձինք իրենց հաճախորդների՝ արտերկրում ծագած միգրացիոն խնդիրներով կարող են դիմել մեզ և «AM» իրավաբանական ընկերության ու տարբեր երկրների միգրացիոն մարմինների հետ արդյունավետ աշխատանքներ իրականացնող WCOE-ի հետ համագործակցության շնորհիվ ստանալ տեսանելի արդյունքներ:

Նոր համագործակցություն Հայաստան-Լատվիա բիզնես ընկերությունների միջև

   Առաջին անգամ AM իրավաբանական ընկերության հաճախորդները հնարավորություն են ստանում միայն AM ընկերության գլխամասային գրասենյակ այցելելով բացել բանկային հաշիվ Baltikums միջազգային բանկում և ստանալ եվրոպական որակյալ բանկային ծառայություններ:

    Baltikums բանկն իր ներկայացուցչությունների լայն ցանցի միջոցով ծառայություններ է մատուցում ավելի քան 90 երկրներում, այդ թվում՝ Էստոնիայում, Մեծ Բրիտանիայում, Ռուսաստանում, Չինաստանում, Սինգապուրում, ԱՄԷ-ում: Ընկերության գլխամասային գրասենյակը գտնվում է Լատվիայում:

   AM իրավաբանական ընկերության միջազգային գործընկերների համալրումը նման կազմակերպությունով կնպաստի ընկերության հաճախորդներին առաջարկվող նոր տեսակի ծառայությունների ձևավորմանը:

AM իրավաբանական ընկերության իրավախորհրդատու Ժիրայր Ղարագյոզյանը Սուր անկյուն հաղորդաշարում

«AM» իրավաբանական ընկերությունը մասնակցել են Սահմանադրության օրվան նվիրված հեծանվավազքին

Հուլիսի 5-ին Երևանում կայացավ Սահմանադրության օրվան նվիրված հեծանվավազք, որը կազմակերպված էր ՀՀ սպորտի և երիտասարդության հարցերի նախարարության և «Ջի Էմ Ջի» ընկերության աջակցությամբ: Մրցարշավին մասնակցում էին ավելի քան 60 հեծանվորդներ, որոնց թվում էին, իհարկե, «AM» իրավաբանական ընկերության թիմի ներկայացուցիչները: Գլխավոր իրավախորհրդատու բաժնետեր Դավիթ Հունանյանը, ավագ իրավախորհրդատու Վարդան Հարությունյանը և իրավախորհրդատու Արտյոմ Ստեփանյանը լուրջ մոտեցում ցուցաբերեցին մրցարշավին և միևնույն ժամանակ ստացան մեծ բավականություն իրենց մասնակցությունից: 
«AM» իրավաբանական ընկերության թիմը մշտապես մասնակցում է նմանատիպ միջոցառումների և հանդիպումների, քանի որ մեծ կարևորություն է տալիս առողջ ապրելակերպին և դրան նպաստող ցանկացած նախաձեռնություններին:

Էլեկտրաէներգիայի թանկացման դեմ լուծում է առաջարկել «AM» իրավաբանական ընկերությունը

Այսօր «AM» իրավաբանական ընկերության կառավարիչ բաժնետեր Գրիգոր Մինասյանը հրապարակային առաջարկ է հղել «ՀԷՑ» ՓԲԸ գլխավոր տնօրեն Եվգենի Բիբինին: Գրության մեջ մասնավորապես ասված է.

«Կիսելով էլեկտրաէներգիայի թանկացման կապակցությամբ մեր բազմաթիվ հայրենակիցների անհանգստությունը` ցանկանում ենք կառուցողական համագործակցության եղանակով մեղմել ներկայիս բարդ իրավիճակը:

«ՀԷՑ» ՓԲԸ-ն  սակագնի բարձրացումը հիմնավորում  է իր կողմից իրականացվող ծախսերով, որոնք գերազանցում են ստացված եկամուտները: Ներկայացված ծախսերն ակնհայտորեն ընդգրկում են նաև խոշոր գումարներ, որոնք հատկացվում են իրավաբանական ու հաշվապահական ծառայությունների ձեռքբերմանը:

Հաշվի առնելով էլեկտրաէներգիայի սակագնի բարձրացման ազդեցությունը բազմաթիվ սոցիալապես անապահով մարդկանց վրա, ինչպես նաև իրապես զգալով կորպորատիվ սոցիալական պատասխանատվություն` «AM» իրավաբանական ընկերությունն առաջարկում  է իր իրավաբանական և հաշվապահական ծառայությունները` ներկայումս «ՀԷՑ»-ի կողմից այլ ընկերություններին վճարվող գումարի ուղիղ կեսի չափով: Այսինքն` մենք առաջարկում ենք 50 տոկոսով կրճատել Ձեր ծախսերը նվազագույնը այս երկու հոդվածներով և համամասնորեն նվազեցնել էլեկտրաէներգիայի թանկացման Ձեր հայտը:»

 «AM» իրավաբանական ընկերությունը կոչ է անում նաև այլ մատակարարներին և ծառայություններ մատուցողներին միանալ այս հրապարակային առաջարկին: Այսինքն` առաջարկում ենք բոլոր գործարարներին իրենց որակյալ ապրանքը կամ ծառայությունը էականորեն ավելի էժան վաճառել «ՀԷՑ»-ին և դրանով իսկ նպաստել «ՀԷՑ»-ի ոչ անհրաժեշտ ծախսերի կրճատմանը, հետևաբար նաև կասեցնել շատերի համար խիստ ցավալի թանկացումը:

«AM»  իրավաբանական ընկերության արտաքին կապերի ծառայություն

Ցեղասպանության 100-րդ տարելիցի կապակցությամբ ‹‹AM›› ընկերությունը հյուրընկալել է Իրավաբանների միջազգային ցանցի փոխնախագահին

‹‹AM›› իրավաբանական ընկերության գլխավոր իրավախորհրդատու, փաստաբաններ Վանիկ Մարգարյանը և Նարինե Սարգսյանը  հանդիպել են AEA Իրավաբանների միջազգային ցանցի (AEA International Network of Lawyers) փոխնախագահ Իոանոս Գեորգիադեսի հետ, ով Հայաստան էր ժամանել Կիպրոսից  Հայոց ցեղասպանության 100-րդ տարելիցի կապակցությամբ:  

Հանդիպման ընթացքում քննարկվել են Հայոց ցեղասպանության ճանաչման և Թուրքիայի պատասխանատվության իրավական հիմքերը:

Նշենք, որ ‹‹AM›› իրավաբանական ընկերությունը հանդիսանում է AEA Իրավաբանների միջազգային ցանցի անդամ, որն իր շուրջ է համախմբում ավելի քան 193 երկրներում գործող իրավաբանական ընկերությունների և մի շարք հայտնի իրավաբանների: AEA փոխնախագահ Իոանոս Գեորգիադեսի հետ հանդիպման ընթացքում մեր  ընկերության փաստաբանները քննարկել են նաև հետագա համագործակցության ուղիները: