Պարտքերի հավաքագրման «AM»-ի թիմը միլիոնավոր դրամներ է հետ ստացել իր հաճախորդների համար

2016 թվականից «AM» իրավաբանական ընկերությունում գործող Պարտքերի հավաքագրման ծառայությանը վստահվել է հետ գանձել 110.000.000 դրամ:

Առանց երկար դատական պրոցեսների, առանց շատ ժամանակ ու մեծ ֆինանսներ ծախսելու մի շարք շինարարական, ապահովագրական, վարկային, տուրիստական և այլ ընկերություններ «АM»-ի այս նոր ծառայության օգնությամբ կարողացել են վերադարձնել իրենց հասանելիք գումարների մի զգալի մասը: Ընդհանուր միջին վիճակագրությամբ տարբեր հաճախորդների համար հնարավոր է եղել հետ գանձել պարտքերի 60-ից 90 տոկոսը: Այսպիսով, մի քանի ամիսների ընթացքում այս ծառայությունը կարողացել է միլիոնավոր դրամներ հետ ստանալ իր հաճախորդների համար:

Լարված տնտեսական իրավիճակում ակնհայտորեն շատացել են ֆինանսական պարտականությունները ուշացնող և չկատարող անհատներն ու ընկերությունները: Միևնույն ժամանակ, մեր շատ հաճախորդներ չեն ցանկանում կոպտորեն դադարեցնել գործնական ու մարդկային հարաբերությունները վճարումների ժամկետները խախտած իրենց գործընկերների հետ: Պարտքերի հետգանձման մեր թիմին հաջողվել է բանակցային, խորհրդատվական, մինչդատական և այլ իրավական գործիքների միջոցով գտնել արդյունավետ ու շահավետ լուծումներ: Միայն ամենաչարամիտ պարտապանների պարագայում, երբ սպառվել են գումարի գանձման բոլոր այլ խելամիտ եղանակները, «АМ» թիմը ստիպված է եղել գումարները բռնագանձել դատական կարգով՝ լրացուցիչ նյութական բեռ դնելով իրենց պարտքերը վճարելուց ամեն կերպ խուսափողների վրա:

«AM» իրավաբանական ընկերությունն այսուհետ ծառայություններ է մատուցում նաև Կիպրոսում

Այսուհետ «AM»  իրավաբանական ընկերության այն հաճախորդները, որոնք կցանկանան բիզնես գործունեություն սկսել հարկային լավագույն պայմաններն առաջարկող օֆշորային գոտում՝ Կիպրոսում, հնարավորություն կունենան ստանալու որակյալ  համալիր իրավաբանական և հաշվապահական ծառայություններ: «AM» և «DADLAW» իրավաբանական ընկերությունների բարձր որակավորում ունեցող և փորձառու մասնագետները մինչև Կիպրոսում ընկերության գրանցումը հաճախորդներին կտրամադրեն խորհրդատվություն՝ Կիպրոսում բիզնեսի վարման առավելությունների  և արտոնությունների վերաբերյալ, իսկ այնուհետ լավագույնս կկազմակերպեն ինչպես Կիպրոսում նոր ընկերության գրանցման գործընթացը, այնպես էլ ընկերության հետագա իրավաբանական և հաշվապահական սպասարկումը:

Ընդլայնելով իր կողմից մատուցվող ծառայությունների շրջանակն ու աշխարհագրությունը՝ «AM»  իրավաբանական ընկերությունն այսուհետ ծառայություններ է մատուցում նաև Կիպրոսում: Ընկերության կառավարիչ բաժնետեր Գրիգոր Մինասյանը և փաստաբան Նարինե Սարգսյանն ընկերության գլխամասային գրասենյակում հյուրընկալել են Կիպրոսում գործող առաջատար իրավաբանական ընկերության՝ «DADLAW» ընկերության հիմնադիր Դեմետրիոս Դեմետրիադեսին: Հանդիպման  ընթացքում երկու խոշորագույն իրավաբանական ընկերությունների ղեկավարները քննարկել են  Կիպրոսում ներդրում կատարող հայ գործարարներին և տարբեր բնագավառներում գործունեություն ծավալող հայաստանյան կազմակերպություններին Կիպրոսում համալիր բարձրորակ ծառայություններ մատուցելու հնարավորությունը:

«AM» իրավաբանական ընկերության կողմից Կիպրոսում ծառայությունների մատուցումը ևս մեկ քայլ է  միջազգային բիզնես համագործակցության զարգացման ուղղությամբ:

Հայոց ցեղասպանության թեման միջազգային հեղինակավոր գիտական պարբերականում

Հանրային իրավունքի եվրոպական կազմակերպության կողմից հրատարակվող «Կենտրոնական և Արևելյան Եվրոպայի իրավունքի ուսումնասիրություններ» պարբերականում տպագրվել է «AM» իրավաբանական ընկերության բաժնետեր Վանիկ Մարգարյանի գիտական հոդվածը, որը վերաբերում է հայոց ցեղասպանությանը:

«Հայոց ցեղասպանությունը որպես միջազգային հանցագործություն» թեմայով հոդվածը եվրոպացի և այլ ընթերցողներին հնարավորություն կտա իրավական հարթակում ծանոթանալ հայոց ցեղասպանության փաստին, դրա իրավական հետևանքներին և Թուրքիայի պատասխանատվության հիմքերին՝ դրանով իսկ փոքր ներդրում կատարելով Հայոց ցեղասպանության ճանաչման գործում:

http://am.am/eng/news/655/armenian-genocide-as-an-international-crime.html

Ամենամսյա բաց դռների հերթական օրը Գյումրիի մասնաճյուղում՝ աշխատանքային իրավունքին և աշխատանքային վեճերին առնչվող հարցերի վերաբերյալ

«AM» իրավաբանական ընկերության Գյումրիի գրասենյակում շարունակվում է անվճար իրավաբանական խորհրդատվությունների տրամադրումը Շիրակի մարզի բնակիչներին:

Կարևորելով ինչպես աշխատողների, այնպես էլ գործատուների իրավունքների ու շահերի պաշտպանությունը աշխատանքային հարաբերություններում և աշխատանքային վեճերի ծագման դեպքերում՝ «AM» իրավաբանական ընկերությունը մասնաճյուղում կազմակերպվող ամենամսյա անվճար իրավաբանական խորհրդատվությունների հերթական օրն իրականացնելու է աշխատանքային իրավունքին առնչվող խնդիրների, մասնավորապես աշխատանքային պայմանագրերի լուծման հիմքերի ու կարգի, անաշխատունակության դեպքերի, արտաժամյա աշխատանքի, աշխատանքային վեճերի վերաբերյալ խորհրդատվության ու պարզաբանումների տրամադրում:  

Բաց դռների հերթական օրը կկայանա նոյեմբերի 17-ին, ժամը 10.00-18.00, ք. Գյումրի, Գ. Նժդեհ 1/5 հասցեում:

Նախապես հերթագրվելու համար զանգահարեք (0312) 3-03-26

հեռախոսահամարով:

Արցախում կայացած միջազգային գիտաժողովին մեր ընկերությունը ներկայացրել է «Լեռնային Ղարաբաղի Հանրապետության միջազգային իրավական կարգավիճակի արդիական խնդիրները» զեկույցը

«АМ» իրավաբանական ընկերության իրավախորհրդատու Մարատ Անտոնյանը

մասնակցել է Արցախի պետական համալսարանում տեղի ունեցած Լեռնային Ղարաբաղի Հանրապետության պետականության 25-ամյակին նվիրված միջազգային գիտաժողովին, որի լիագումար նիստին ներկայացրել է «Լեռնային Ղարաբաղի Հանրապետության միջազգային իրավական կարգավիճակի արդիական խնդիրները» խորագրով զեկույցը: Զեկույցի  շրջանակներում իրականացվել է Արցախի Հանրապետության, որպես միջազգային իրավունքի սուբյեկտի, կարգավիճակի իրավական վերլուծություն, և ուսումնասիրվել են տարածաշրջանում ձևավորված իրավիճակի իրավական կարգավորման մեխանիզմները:

Գիտաժողովի բացման պաշտոնական արարողությանը ներկա են գտնվել ԼՂՀ խորհրդարանի նախագահ Ա.Ղուլյանը, Արցախի պետական համալսարանի ռեկտոր Մ. Մինասյանը, Ռուսաստանի միջազգային իրավունքի ասոցիացիայի անդամ, փ.գ.թ., պրոֆեսոր Ղ. Բաբայանը և այլ գիտնականներ ու քաղաքական գործիչներ, ինչպես նաև հայկական և արտասահմանյան համալսարանների ուսանողներ:  

«АМ» իրաբանական ընկերությունը մեծապես կարևորում է ընկերության իրավաբանների կողմից գիտական գործունեության ծավալումը և մշտապես աջակցում է վերջիններիս գիտական նախաձեռնությունների իրականացմանը:

«AM» իրավաբանական ընկերության հերթական հաղթանակը հարկային գործով

Հարկային մարմնի ստուգման ակտով մեր ընկերության հաճախորդին լրացուցիչ հարկային պարտավորություններ էին առաջադրվել ոչ ռեզիդենտ կազմակերպությունների փոխարեն Հայաստանում հաշվարկված և վճարված շահութահարկի նվազեցման հետ կապված: Մասնավորապես, ակտով արձանագրվել էր, որ ոչ ռեզիդենտի շահութահարկը պետք է պահվի դուրս գրված հարկային հաշվի արժեքից, այլ ոչ թե հաշվարկվի հաշվով սահմանված արժեքի նկատմամբ:

Արդյունքում «AM» իրավաբանական ընկերության

իրավաբանների կողմից ՀՀ ՊԵԿ Գանգատարկման հանձնաժողով ներկայացվեց բողոք, որը բավարարվեց՝ վերացվեց մեր ընկերության հաճախորդի նկատմամբ ստուգման ակտով առաջադրված խոշոր չափի լրացուցիչ հարկային պարտավորությունը (տուգանքը)՝ արձանագրելով, որ ընկերությունը ճիշտ է կատարել ոչ ռեզիդենտի շահութահարկի հաշվարկը, վճարումը և նվազեցումը իր համախառն եկամտից:

Նմանատիպ հաղթանակներն առավել արժեքավոր են, քանի որ դրանցով խնդիրը ստանում է արագ լուծում առանց դատական գործընթացի՝ վկայելով, որ հնարավոր է նաև հարցը լուծել հարկային մարմնի գանգատարկման հանձնաժողովի միջոցով:

Ինչպես ավելացնել եկամուտները տնտեսական ճգնաժամի պայմաններում

Եկամուտների աճի, շահույթի սահմանաչափերի ավելացման, շուկայում առաջարկվող ծառայութունների ու ապրանքների առավել հաջող ներկայացման նպատակով բիզնեսի կառավարման և խորհրդատվության մեր թիմը, որը ղեկավար Նարինե Ավետիսյանը (http://am.am/arm/lawyers/43/narine-avetisyan.html), օգնում է մեր հաճախորդներին իրենց բիզնեսը դարձնել շատ ավելի հաջողակ: Հայաստանում և արտերկրում գործող մի շարք ընկերություններ իրենց ամենաբարդ կառավարչական խնդիրները լուծելու, մենեջմենթի որակը բարելավելու, կառավարման լավ համակարգերի ներմուծման, մարքեթինգի և այլ կարևոր ուղղություններով հստակ ռազմավարություն ունենալու համար, ինչպես նաև նորաբաց բիզնեսը հաջողելու նպատակով արդեն օգտվում են «AM» Բիզնես խորհրդատվությունից:

ում է ոլորտում մեծ փորձ ունեցող

Մենք կարողանում ենք ավելացնել մեր հաճախորդների եկամուտները՝ դիագնոստիկայի ենթարկելով նրանց բիզնես գործընթացները և դրանցում ներմուծելով արդյունավետ նորարարություններ, հստակեցնելով նրանց ռազմավարական խնդիրները, գնահատելով տվյալ բիզնեսի գործարար միջավայրը, որոշակիացնելով ընկերության հստակ թիրախները, քարտեզագրելով և վերլուծության ենթարկելով տվյալ շուկան և դրանում վերհանելով կարևոր մրցակիցներին ու շահառուներին, հավաքագրելով հատուկ պահանջված կադրերի, բարձրացնելով աշխատակիցների մոտիվացիան և նրանց պատասխանատվությունը, մշակելով խիստ անհատականացված մարքեթինգային ռազմավարություն, սահմանելով գործունեության հիմնական չափորոշիչները (KPI): Մեր հաճախորդների գործունեության կրիզիսի ժամանակ մենք ստանձնում ենք նրանց ողջ ընկերության կամ դրա առանձին հատվածների կառավարումը, ներկայացնելով ճգնաժամից դուրս գալու կոնկրետ ուղենիշներ և գործիքակազմ: Այս ամենի մանրամասները ներկայացված են մեր կայքում (http://am.am/arm/services/business-consulting/):

Այսպիսով, եկամուտները ավելացնելու և բիզնեսը հաջողելու համար պարզապես անհրաժեշտ է դիմել «AM» Բիզնես խորհրդատվությանը, որի մեթոդաբանությունը ծագել է այդ թիմի երկարատև փորձից և գրանցված հաջողություններից: Մենք միշտ գործն ավարտում ենք խոստացված ժամկետներում և նախապես հաստատված բյուջեի շրջանակներում՝ ապահովելով մեր հաճախորդների բիզնեսի շոշափելի և իրական հաջողությունները:

Քրեական գործերով փորձառու փաստաբան Լևոն Սահակյանը դարձավ «AM» իրավաբանական ընկերության բաժնետեր

ՀՀ փաստաբանների պալատի անդամ Լևոն Սահակյանի և «AM» իրավաբանական ընկերության միջև հոկտեմբերի 4-ին ստորագրված պայմանագրով փաստաբան Լևոն Սահակյանը դարձավ «AM» իրավաբանական ընկերության բաժնետեր: Պայմանագրի ստորագրման պաշտոնական արարողությունը տեղի ունեցավ ընկերության գլխամասային գրասենյակում:
«AM» ընկերության նոր բաժնետերն իր մասնագիտական գործունեության ընթացքում մի շարք քրեական գործերով արձանագրել է հաղթանակներ՝ իր վստահորդների համար ապահովելով բարձրորակ փաստաբանական ծառայություններ: Բանակցություններ վարելու նրա բացառիկ հմտության շնորհիվ իրավական վեճ ունեցող բազմաթիվ հաճախորդների խնդիրներ ստացել են դրական լուծում: Լևոն Սահակյանը հանդիսանում է նաև դատական ակտերի և դատավորների վարկանիշավորման «HelpCourt» համակարգի գաղափարի հեղինակն ու ծրագրի իրականացման ղեկավարը:

Աթենքում կայացած տնօրենների խորհրդի նիստին և «Քաղաքացիություն ու ներգաղթ Եվրոպայում» գիտաժողովին մասնակցել է նաև հայաստանյան պատվիրակությունը

Հանրային իրավունքի եվրոպական կազմակերպության (EPLO) հայաստանյան մասնաճյուղի տնօրեն Գրիգոր Մինասյանի ղեկավարած պատվիրակությունը Աթենքում մասնակցել է միջազգային հեղինակավոր կառույցի տնօրենների խորհրդի նիստին, որի անդամ են 14 եվրոպական երկրների կառավարությունների ներկայացուցիչներ, 6 միջազգային կազմակերպությունների բարձրաստիճան պաշտոնյաներ և աշխարհի 64 լավագույն համալսարանների ղեկավարներ:

Տնօրենների խորհրդի նիստին հաջորդել է «Իրավունքներ առանց սահմանների. Քաղաքացիություն և ներգաղթ Եվրոպայում» խորագրով գիտաժողովը, որի ընթացքում եվրոպական առաջատար համալսարանների դասախոսները ներկայացրել են Եվրոպայում ներգաղթյալների կարգավիճակի իրավական կարգավորումները: Գիտաժողովին նույնպես մասնակցել է հայկական պատվիրակությունը, որի կազմում ընդգրկված էր նաև «AM» իրավաբանական ընկերության գլխավոր իրավախորհրդատու, փաստաբան Նարինե Սարգսյանը:

Հիշեցնենք, որ Հանրային իրավունքի եվրոպական կազմակերպությունը հանրային իրավունքի ոլորտում գիտելիքի ձևավորման ու տարածման, ինչպես նաև ամբողջ աշխարհում եվրոպական արժեքների տարածման նպատակով ստեղծված միջազգային կազմակերպություն է: 2011թ. Հայաստանի Հանրապետությունը դարձել է կազմակերպության լիիրավ անդամ և հաստատել է Հանրային իրավունքի եվրոպական կազմակերպության հիմնադրման մասին Աթենքում ստորագրված համաձայնագիրը: Միաժամանակ Հայաստանը տարածաշրջանում առաջին և միակ երկիրն է, որտեղ գործում է այս ազդեցիկ միջազգային կազմակերպության մասնաճյուղը, որի հյուրընկալող կառույցը «AM» իրավաբանական ընկերությունն է:

Մասնագիտացված նոր ծառայություն մեր ընկերության ծառայությունների փաթեթում

Ընդլայնելով արդեն իսկ մատուցվող իրավաբանական ծառայությունների շրջանակը՝ «AM» իրավաբանական ընկերությունն այսուհետ առաջարկում է արտոնագրային հավատարմատարի մասնագիտացված ծառայություններ ապրանքային նշանների հետ կապված ցանկացած հարցով ինչպես հայկական, այնպես էլ օտարերկրյա հաճախորդներին:

«AM» իրավաբանական ընկերության բաժնետեր Վանիկ Մարգարյանը ձեռք է բերել արտոնագրային (ապրանքային նշանների) հավատարմատարի որակավորում՝ հավաստելով մեր ընկերության կողմից մտավոր սեփականության և ապրանքային նշանների ոլորտում առաջարկվող ծառայությունների որակը:

Մասնագիտացած միջազգային կառույցների հետ համագործակցության շնորհիվ մեր ընկերությունը կարող է իր հաճախորդներին առաջարկել նաև ապրանքային նշանների միջազգային գրանցում և նշանների պաշտպանություն աշխարհի տարբեր կետերում:

Անվճար իրավաբանական խորհրդատվության հերթական օրը Գյումրու մասնաճյուղում

    Հարգելի՛ գյումրեցիներ, անվճար խորհրդատվության ընթացքում կարող եք ձեզ հուզող հարցերի պատասխանները ստանալ ինչպես իրավունքի բոլոր ճյուղերի խնդիրների, այնպես էլ իրավական ակտերի վերջին փոփոխությունների կապակցությամբ, մասնավորապես ԵՏՄ տարածքից Հայաստանի տարածք ավտոմեքենաների ներկրման ժամանակ ֆիզիկական անձանցից գանձվող ավելացված արժեքի հարկի պահանջի վերացմանն առնչվող «Ավելացված արժեքի հարկի մասին» ՀՀ օրենքում կատարված փոփոխությունների ու լրացումների վերաբերյալ:

   «AM» իրավաբանական ընկերության Գյումրու գրասենյակում շարունակվում է անվճար իրավաբանական խորհրդատվությունների տրամադրումը: Բաց դռների հերթական օրը կկայանա մարտի 17-ին, ժամը 10.00-18.00, ք. Գյումրի, Գ. Նժդեհ 1/5 հասցեում:

   Նախապես հերթագրվելու համար զանգահարեք (0312) 3-03-26 հեռախոսահամարով: