Իրավական խնդիրների լուծման նոր հնարավորություններ «AM» իրավաբանական ընկերության միջազգային գործընկերների միջոցով

    «AM» իրավաբանական ընկերությունն ընդլայնում է իր հաճախորդներին մատուցվող ծառայությունների տարածքն ու շրջանակը՝ կնքելով փոխգործակցության նոր համաձայնագրեր իրավաբանական ծառայություններ մատուցող օտարերկրյա կազմակերպությունների հետ:

    «AM» իրավաբանական ընկերության նոր գործընկերն է Ուկրաինայում գործող «Первая Украинская Долговая Компания» գործակալությունը, որի արհեստավարժ թիմը մասնագիտացած է Ուկրաինայի տարածքում պարտքերի հետ գանձման ուղղությամբ մատուցվող բոլոր ծառայությունների մասով: Այս համագործակցության արդյունքում «AM» իրավաբանական ընկերության հաճախորդները կկարողանան լուծել չվճարված գումարային պարտավորությունների հետ գանձման իրենց խնդիրներն Ուկրաինայում  ինչպես արտադատական ճանապարհով, այնպես էլ դատական և դատական ակտերի հարկադիր կատարման բոլոր փուլերում:

  Եվս մեկ համագործակցության հուշագրի կնքմամբ «AM» իրավաբանական ընկերությունը համագործակցելու է հնդկական IP TRACTUS մտավոր սեփականության ոլորտում գործող կազմակերպության հետ: Որակյալ մասնագիտական թիմն ապահովում է ապրանքային նշանների գրանցման ողջ գործընթացն ու դրան առնչվող ցանկացած հարցի լուծումը՝ ներկայացնելով նաև հաճախորդի շահերը հնդկական Մտավոր սեփականության գործակալությունում:

AM ընկերության փաստաբանը Հայոց ցեղասպանության վերաբերյալ հարցազրույց է տվել բելգիական առաջատար հեռուստաընկերությանը

«AM» իրավաբանական ընկերության գլխավոր իրավախորհրդատու, փաստաբան Նարինե Սարգսյանը բելգիական ֆրանսալեզու RTL-TVI հեռուստաընկերության կողմից նկարահանվող Հայոց ցեղասպանության հարյուրամյա տարելիցին նվիրված հաղորդաշարի շրջանակներում ներկայացրել է Հայոց ցեղասպանության զոհերի հուշահամալիրը, դրա նշանակությունը և ստեղծման պատմությունը:

RTL-TVI հեռուստաընկերության լրագրող Ժան Պիեռ Մարտինին տրված հարցազրույցի ընթացքում Նարինե Սարգսյանը ներկայացրել է մանրամասներ Հայոց ցեղասպանության իրականացման, ցեղասպանության փաստի ժխտման և ցեղասպանության ճանաչման իրավական հիմքերի վերաբերյալ:

Հաղորդաշարը հեռարձակվելու է ընդարձակ հեռուստալսարան ունեցող RTL-TVI հեռուստաընկերությամբ, որը մեծապես կնպաստի այդ երկրում և, առհասարակ, Եվրոպայում Հայոց ցեղասպանության վերաբերյալ միջազգային հանրության իրազեկմանը:

Նոր համագործակցություն Իրանում և Սլովակիայում գործող առաջատար իրավաբանական ըկերությունների հետ

«AM» իրավաբանական ըկերությունը համագործակցության նոր հուշագրեր է կնքել Իրանում «Alreza Shahidi Razavi & Associates»  և Սլովակիայում գործող «JUDr. Daniela Jezova»  իրավաբանական ընկերությունների հետ: Համագործակցությունը նման առաջատար ընկերությունների հետ ևս մեկ անգամ հնարավորություն կընձեռի մեր հաճախորդներին ստանալ բարձրորակ իրավաբանական խորհրդատվություն  Իրանում և Սլվակիայում, որտեղ նրանց շահերը կպաշտպանվեն ոլորտի առաջատարների կողմից:

«AM»  իրավաբանական ընկերությունը արդեն իսկ ունի համագործակցության հուշագրեր կնքած Եվրոպայում, Իրանում, Ռուսաստանում և Վրաստանում գործող մի շարք առաջատար իրավաբանական ընկերությունների հետ: 

Փաստաբանական Ծառայությունների Կարևորությունը Գործարարների Համար

Արդի հարափոփոխ աշխարհում, որտեղ յուրքանչյուր ընկերություն` փոքր թե միջին, ձգտում է ստեղծել կայուն սպառողական միջավայր և իր արտադրանքով գրավել նորանոր շուկաներ, յուրաքանչյուր սեփականատիրոջ համար կարևոր է դառնում գրագետ բիզնեսի վարումը` համապատասխան իրավական նորմերի ու օրենքների: Փաստաբանական ծառայություններից օգտվելը, հմուտ փաստաբանի հետ խորհրդակցությունները բիզնեսի տարբեր բնագավառներում շատ կարևոր է, առաջի հերթին հենց գործարարի համար:

«AM» իրավաբանական ընկերությունը համագործակցում է Ռուսաստանի երկու առաջատար իրավաբանական ընկերությունների հետ

AM իրավաբանական ընկերություն

«AM» իրավաբանական ընկերությունը կնքել է  համագործակցության հուշագրեր Ռուսաստանի երկու առաջատար «Ռուսիչ» եւ «BRC» իրավաբանական ընկերությունների հետ: 

Ընկերության մամուլի ծառայությունից հայտնում են, թե սույն համագործակցությունը թույլ կտա ամրապնդել ընկերության դիրքերը իրավաբանական ծառայությունների գլոբալ շուկայում եւ լավագույնս պաշտպանել իր հաճախորդների շահերը Հայաստանի սահմաներից դուրս: